చిరునవ్వులకే చిరునామా
చిన్నారుల నవ్వుల్లో స్వచ్ఛత
వాళ్ళ కళ్ళలో పవిత్రత
సరస్వతి ఒడి నుంచి
అమ్మ ఒడికి చేరాలని
అమ్మ ఒడిలో సేద తీరాలని
అమ్మ చేతి గోరుముద్దలు తినాలని
పసి మనసుల్లో ఎన్నో ఊహలు
ఆ ఊహల సౌధం కూల్చేస్తూ
స్కూల్ బస్సు లోయలోకి దూసుకెల్తూ
మరణ మృదంగం మోగిస్తూ
పసి ప్రాణాలు గాలిలో కలిపేస్తూ
తల్లిదండ్రుల గుండెల్లో మంటలు రగిలిస్తూ
విధికి ఎంత క్రూరత్వం
విధికి లేదు దయా దాక్షిణ్యం